မေမေ့ကို ဖုန်းခေါ်ဖြစ်တယ်... မေမေကပြောတယ် သမီးနဲ့မေမေနဲ့ ဝေးနေရတာ ၄နှစ်တောင်ရှိသွားပြီတဲ့... ဟုတ်ပါတယ်လေ... ကျွန်မ စလုံးကို စရောက်တာ ဇန်နဝါရီလ ၂၀၀၇ ကပါ... အဲဒီ ၂၀၀၇ ထဲက မေမေဆီ သွားလိုက်ပြန်လိုက်လုပ်တာ လက်ချိုးရီမယ်ဆိုရင် ၁၀ခါ တောင်ပြည့်ဖို့ အတော်ကြီးလိုပါဦးမယ်... မေမေကပြောတယ် ညတိုင်းညတိုင်း သမီးကို လွမ်းနေတာတဲ့... ကျွန်မရင်ထဲမှာ ဆို့နင့်ပြီး မျက်ရည်တွေတောင် လည်လာပါတယ်... အမှန်တကယ် အဲဒီနေ့က MOM ရုံးကအပြန် S Pass သက်တမ်းတိုးပြီး မေမေ့ဆီကို ဖုန်းဆက်လိုက်တာပါ... မေမေ့ဆီဖုန်းဆက်တာကလည်း S Pass သက်တမ်းတိုးလို့ရတယ်ဆိုတဲ့အကြောင်းကိုပြောဖို့လေ... ဒီသတင်းက မေမေ့အတွက်တော့ သူ့သမီးကို သူနဲ့ တတိုင်းတစ်ခု ထပ်ခြားလိုက်သလိုပါပဲ...
ကျွန်မနဲ့မေမေနဲ့က မုန့်ထွက်စားလည်းအတူတူ၊ Shopping ထွက်လည်းအတူတူ၊ သားအမိနှစ်ယောက် ကားတစ်စီးနဲ့ ကျွန်မကမောင်းပြီး ကျွန်မဘေးမှာ မေမေကထိုင်ခဲ့တာ ကျွန်မဆယ်တန်းဖြေပြီး ၂၀၀၀ ထဲကပါ... ကျွန်မဖေဖေက ကျွန်မဆယ်တန်းဖြေပြီးကာစ ၂၀၀၀ ထဲက နိုင်ငံခြားထွက်သွားတာပါ... ကားမောင်းတတ်ကာစ ကျွန်မကိုစိတ်ပူပြီး ကျွန်မဘယ်သွားသွား အမြဲလိုက်စောင့်ပေးခဲ့တဲ့မေမေရယ်ပါ...
မှတ်မိပါသေးတယ်... ကျွန်မ Informatics မှာ Computer သင်တန်းတက်တုန်းကလည်း သင်တန်းပြီးတဲ့အချိန်ထိ မုန့်တွေ၊ ရေဘူးတွေနဲ့ ကားထဲမှာ ထိုင်စောင့်ပေးခဲ့တာပါ... သင်တန်းက ယောကျာ်းလေးသူငယ်ချင်းတွေကတောင် ပြောနေပါသေးတယ်... ဘာလဲ နင့်မေမေက ငါတို့နဲ့စိတ်မချလို့တစ်နေကုန် ထိုင်စောင့်နေတာလားတဲ့... အမှန်တကယ် မေမေစိတ်ပူတာက ကျွန်မကားမောင်းနေရင်း လမ်းမှာကားပျက်သွားရင် ကျွန်မတစ်ယောက်ထဲ ယောင်ချာချာဖြစ်ပြီး ဘာလုပ်ရမှန်းမသိ၊ ဘာကိုင်ရမှန်းမသိ ဖြစ်နေမှာဆိုးတာရယ်၊ မိန်းကလေးငယ်တစ်ယောက်ထဲ လမ်းမှပေါ်မှာ ကားပျက်ရင် အန္တရယ်များတယ်ဆိုပြီး မေမေကစိတ်ပူတာရယ်ပါ...
နောက်ပြီး အဲဒီတုန်းက ကျွန်မမှာ ကားမောင်းလိုင်စင်မရှိသေးပါဘူး... အသက်မပြည့်သေးတဲ့အတွက် လုပ်လို့လည်းမရပါဘူး... အဲဒီတုန်းက ကျွန်မမှာ ယာဉ်ထိမ်းရဲတွေ့ရင် ရင်တထိတ်ထိတ်နဲ့ပါ... တစ်ကယ်လို့ လှမ်းတားပြီး ကားမောင်းလိုင်စင်စစ်ရင် ကျွန်မမှာ ပြစရာ ဘာမှမရှိပါဘူး... ပိုက်ဆံကိုတော့ လိုရမယ်ရ အမြဲတမ်း ဆောင်ထားရပါတယ်... မေမေက အဲဒါတွေကို စိတ်ပူတာရယ်ပါ...
အဲဒီတုန်းက ကျွန်မမောင်လေးက ဆယ်တန်းဖြေဖို့ လုပ်နေရတဲ့အချိန်၊ နောက်ပြီး ကားလည်းမမောင်းတတ်သေးပါဘူး... အဲဒီတော့ အကြီးဖြစ်တဲ့ကျွန်မက အစစအရာရာ ဖေဖေ့နေရာ ဝင်ခဲ့ရတယ်ဆိုပါတော့... ပိုက်ဆံရှာတာက လွဲရင်ပေါ့လေ... မောင်လေး ကျောင်းကြို၊ကျောင်းပို့ကအစ မေမေနဲ့ကျွန်မ အတူတူလုပ်ခဲ့တာရယ်ပါ... ကျွန်မကားမောင်းတာကို တော်တော်လေးစိတ်ချသွားပြီဆိုမှ မေမေက ကျွန်မနောက်မလိုက်တော့တာပါ... ဖေဖေနိုင်ငံခြားထွက်သွားပြီးတဲ့နောက်ပိုင်းမှာ ကျွန်မ မေမေနဲ့အတူတူ အိပ်ခဲ့တာပါ... သွားအတူ၊လာအတူ၊ ဆိုးတိုင်ပင်၊ ကောင်းတိုင်ပင်နဲ့ ဒီသားအမိနှစ်ယောက် အတူတူနေလာကြတာ နှစ်တွေက နည်းမှမနည်းတော့တာနော်... အမှန်တကယ်ပြောရရင် မေမေက ကျွန်မအတွက် သူငယ်ချင်းကောင်းတစ်ယောက်ဆိုရင်လည်း မမှားပါဘူး... ကျွန်မမှာ တိုင်ပင်စရာဆိုလို့ မေမေပဲရှိပါတယ်... တစ်ချို့တစ်ချို့သော ကိစ္စတွေကို ကျွန်မ မေမေကို မပြောပြဖြစ်ပါဘူး... ဒါပေမယ့် အကင်းပါးတဲ့မေမေက ကျွန်မရင်ထဲမှာ ဘာရှိတယ်ဆိုတာကိုသိပါတယ်... ဘာတွေဖြစ်နေတယ်ဆိုတာကိုလည်း သိပါတယ်... ကျွန်မအနားမှာ အားပေးနှစ်သိမ့်ပေးခဲ့တာ မေမေရယ်ပါ...
ကျွန်မ စလုံးကိုသွားမယ်လို့ ဆုံဖြတ်ချက်ချတော့လည်း မေမေ ကျွန်မကို ဘာမှမပြောခဲ့ပါဘူး... ကျွန်မရဲ့ လိုအင်ဆဒ္ဒကို ဖေဖေနဲ့မေမေက ဖြည့်ဆီးပေးခဲ့ပါတယ်... အဲဒီတုန်းက ကျွန်မက အရမ်းကို တက်ကြွနေတဲ့ အပျံသင်စ ငှက်ကလေးအတိုင်းပဲ ဟိုးအဝေးကြီးကိုလှမ်းမြင်နေရတဲ့ မိုးကောင်းကင်အဆုံးထိ ပျံသန်းချင်နေခဲ့သူပါ... အတောင်ပံတွေကလည်း တစ်ဖျတ်ဖျတ်နဲ့ ဒီအသိုက်ကလေးကနေ အဝေးဆိုးကိုသွားဖို့ ကြံရွယ်နေတဲ့ ငှက်ငယ်လေးအတိုင်းပါပဲ... ကျွန်မ မရှိရင် မေမေဘယ်လိုကျန်ခဲ့မယ်ဆိုတာ မတွေးထားခဲ့မိပါဘူး... မောင်လေးကတော့ မေမေဘေးနားမှာ ရှိနေမှာပဲလေဆိုပေမယ့် သားအမေ့နားမှာ ရှိတဲ့အားနဲ့၊ သမီးအမေ့နားမှာ ရှိတဲ့အားချင်းမတူပါဘူး... မေမေသွားချင်တာကို သားကလိုက်ပို့ပေးပါတယ်... မေမေအနားမှာ သားရှိနေပါတယ်... ဒါပေမယ့် မေမေမှာ တိုးတိုးဖော်မရှိဘူးလေ... Shopping ကို သားနဲ့အတူတူသွားတာနဲ့ သမီးနဲ့သွားတာ တော်တော်ကြီးကွာပါတယ်လေ... သမီးနဲ့ဆိုရင်တော့ ဒီအကျီလေးနဲ့ဆို မေမေနဲ့လိုက်တယ်၊ ဒီအရောင်လေးက ဘာဖြစ်တယ်၊ ညာဖြစ်တယ်ဆိုပြီး တစ်ဆိုင်ဝင်တစ်ဆိုင်ထွက်နဲ့ မမောနိုင်၊ မပန်းနိုင်ပါဘူး... သားဆိုရင်တော့ မေမေသွားချင်တာလိုက်ပို့ပေးမယ် ပြီးရင် အိမ်ပြန်လိုက်ပို့ပေးမယ်... ဒါကောင်းတယ်မကောင်းဘူး တိုင်ပင်လို့မရပါဘူး... သူကိုမေးရင် ကောင်းတယ်လို့ပဲပြောမှာပေါ့နော်... မြန်မြန်ဝယ်ပြီးအောင်လို့လေ...
အဲဒီလိုနဲ့ ကျွန်မ စလုံးမှာ နေလာလိုက်တာ တစ်နှစ်ကျော်၊ နှစ်နှစ်ရှိလာပါတယ်... ဒီကြားထဲ အိမ်လွမ်းလားဆိုတော့ အိမ်ကိုလွမ်းပါတယ်... မေမေကိုလည်း လွမ်းပါတယ်... ဒါပေမယ့် ကျွန်မ မေမေ့နားမှာ ပြန်နေဖို့ မစဉ်းစားမိသေးပါဘူး... အပျံသင်စ ငှက်ကလေးအတိုင်းပဲပေါ့... ပျံလိုက်တာ ဟိုးအဝေးကြီးကိုပါပဲ... သူပျံနေတာဟာ သူ့အသိုက်အဝန်းနဲ့ တော်တော်ကြီးဝေးနေပြီဆိုတာ သူမသိသေးပါဘူး... ဒီလိုနဲ့ပဲ ကျွန်မလည်း စလုံးမှာ အခြေချနေထိုင်နိုင်ရန် ကျိုးစားနေပါတယ်.. အဲဒါတွေက မေမေနဲ့ အဝေးဆုံးဖြစ်အောင်လုပ်နေတယ်ဆိုတာ သတိမထားမိသေးပါဘူး... သူ့စိတ်တိုင်းကျ လွတ်လပ်စွာပျံသန်းနေတဲ့ ငှက်ကလေးဟာ လေပြင်းမုန်တိုင်းဒဏ်တွေကိုလည်း ကြံကြံခံခဲ့ပြီးပါပြီ... အုပ်စုလိုက်လာပြီးတိုက်ခိုက်ခဲ့တဲ့ သူ့လိုပဲ အပျံသင်စငှက်တွေနဲ့လည်း တိုက်ခိုက်ခဲ့ပြီးပါပြီ... ဒါပေမယ့် ကြာလာတော့ ငှက်ကလေးက မောပန်းလာပါတယ်... သူ့ရဲ့ နားခိုရာအစစ်အမှန်ကို လိုက်ရှာနေပါပြီ... ဒါနဲ့ပဲ သူ့ရဲ့နေထိုင်ရာ အသိုက်ကလေးကို ပြန်လှည့်ကြည့်လိုက်တော့ ရေးရေးလေးပဲ တွေ့ရပါတော့တယ်... သူပျံသန်းလာတာ တော်တော်ကြီးကို ခရီးရောက်နေပြီပဲ... အခု ငှက်ကလေးစိတ်ထဲမှာ ဇဝေဇဝါဖြစ်နေပြီ မေမေရေ... မေမေ့နားမှာပြန်လာပြီး မေမေ့ရင်ခွင်ထဲမှာပဲ ပြန်နားရမလား... ဒါမှမဟုတ် ရှေ့ဆက်ပြီးတော့ ပျံလက်စနဲ့ပဲ ဆက်ပြန်ရမလားမေမေ... ငှက်ကလေးကရော တကယ်သတ္တိရှိရဲ့လား မေမေ့ရင်ခွင်ထဲမှာ ပြန်နားခိုဖို့ကိုလေ...
နောက်ပြီး ဖုန်းပြောတုန်းက မေမေကပြောသေးတယ်... သမီးက ဟိုမှာအနေကြာလာပြီဆိုတော့ ဒီမှာ ပြန် ဘယ်နေချင်တော့မလဲတဲ့... ဘယ်လိုများပြောလိုက်တာပါလိမ့်မေမေရယ်... မေမေ့သမီးက မြန်မာပြည်မှာမွေး မြန်မာပြည်မှာကြီးလာတာပါမေမေ... နောက်ပြီး သမီးသိပ်ချစ်တဲ့မေမေကလည်း မြန်မာပြည်မှာလေ... တကယ့် ဗုဒ္ဓဘာသာ ထွန်းကားတဲ့နိုင်ငံကလဲ မြန်မာပြည်လေမေမေ... သမီး မြန်မာပြည်မှာ မနေနိုင်စရာအကြောင်းမရှိပါဘူးမေမေရယ်...
သမီးမှတ်မိပါသေးတယ်... မေမေပြောပြောနေတဲ့ စကားတစ်ခွန်းပေါ့... နိုင်ငံခြားဆိုတာရှိလို့ ငါနဲ့ ငါ့သမီးခွဲရတာတဲ့... ဟုတ်တယ်နော်မေမေ... နိုင်ငံခြားဆိုတာသာမရှိရင် သမီး နိုင်ငံခြားကို ဘယ်သွားချင်ပါ့မလဲနော်... အဲဒီအခါကျရင် မေမေနဲ့သမီးလည်း ဘယ်ခွဲရတော့မလဲနော်... ဘာဖြစ်လို့များ နိုင်ငံခြားဆိုတာကြီးကို လူတွေက အရမ်းအထင်ကြီးပြီး သွားချင်နေကျလည်းမသိဘူးနော်... ဒါဆို သမီးကရော ဘာဖြစ်လို့များ မေမေနဲ့ သမီးကိုခွဲခဲ့တဲ့ နိုင်ငံခြားဆိုတာကို သွားချင်ခဲ့ရတာလဲမသိဘူးနော်...
တကယ်တော့ လူ့ဘဝလေးက တိုတိုလေးပါမေမေ... ဘယ်နေရာမှာပဲဖြစ်ဖြစ် ကောင်းတာရော၊ဆိုးတာရော၊ ဆင်းရဲတာရော၊ ချမ်းသာတာရော ဒွန်တွဲနေတာပါမေမေ... ဒီလိုတိုတောင်းလှတဲ့ဘဝမှာ သမီးက ဘာကိုရွေးချယ်ရမလဲမေမေ... သမီးသိပ်ချစ်တဲ့မေမေ့အနားမှာပဲနေပြီး အလုပ်လုပ်ရမလား... ဒါမှမဟုတ် မေမေနဲ့ခွဲပြီး ပိုက်ဆံအများကြီးရတဲ့နေရာမှာပဲ အလုပ်လုပ်ရမလား... သမီး မဆုံးဖြတ်တတ်တော့ပါဘူးမေမေရယ်...
